Քննարկվեցին հետևյալ օրակարգային հարցերը՝
Համայնքի բյուջեի եկամուտների հավաքագրման հարցը․
Հանձնարարել վարչական ղեկավարներին և Կարինե Սարոյանին՝
- միջոցներ ձեռնարկել համայնքի բյուջեի եկամուտների ժամանակին հավաքագրման ուղղությամբ․
Ֆինանսատնտեսագիտական հարցը․
Հանձնարարել վարչական ղեկավարներին և Սիրանուշ Նիկողոսյանին՝
-հետևել վճարների պատշաճ կատարմանը և քաղաքացիներին տրամադրվող հաշվեհամարների ճշգրտությանը:
Կրթությանը, մշակույթի, առողջապահության, սպորտի և սոցիալական հարցը.
Հանձնարարել Գայանե Արմենակյանին`
-հետևել մանկապարտեզներում, դպրոցներում միջոցառումների հաճախ կազմակերպմանը, ինչպես նաև հետևել մանկապարտեզներում որակյալ սննդի մատակարարմանը։
Համայնքի սանիտարական մաքրման և աղբահանության հարցը․
Հանձնարարել վարչական ղեկավարներին և <<Եղվարդի բարեկարգում և բնակֆոնդ>> ՀՈԱԿ-ի տնօրեն Վ․ Վարդանյանին՝
- առավել ուշադրություն դարձնել սանիտարական մաքրման և աղբահանության աշխատանքների ժամանակին կատարմանը, այգիների ոռոգմանը։
Քաղաքաշինության հարցեր․
Քաղաքաշինության բաժնի պետ Բաբկեն Բեգլարյանը տեղեկացրեց, որ ստեղծվել է ինքնակամ շինությունների գույքագրման հանձնաժողով, որն աշխատանքներ է ձեռնարկում Քասախ և Պռոշյան բնակավայրերում ինքնակամ շինությունների հայտնաբերման և հաշվառման ուղղությամբ:
Հանձնարարել Քաղաքաշինության բաժնի պետ Բաբկեն Բեգլարյանին՝
- հետևել բաժնի կողմից տրամադրվող թույլտվությունների և որոշումների տրամադրման ժամկետներին և ընթացակարգերին։
Առևտրի, տրանսպորտի, սպասարկման և գովազդի հարցեր
Հանձնարարել առևտրի, տրանսպորտի, սպասարկման և գովազդի բաժնի պետ Մհեր Պապյանին՝
- այցելել բնակավայրերում արդեն հաշվառված հասարակական սննդի, առևտրի և ծառայությունների կետեր, ինչպես նաև հետևել տեղական տուրքերի հավաքագրման աշխատանքներին։
Զարգացման ծրագրերի և զբոսաշրջության վերաբերյալ հարցեր․
Հանձնարարել զարգացման ծրագրերի և զբոսաշրջության բաժնի պետ Հայկ Սարգսյանին՝
-առավել ուշադրություն դարձնել սուբվենցիոն ծրագրերի իրականացման ընթացքին:
Բնապահպանության, գյուղատնտեսության և հողաշինության հարցեր
Հանձնարարել բնապահպանության, գյուղատնտեսության և հողաշինության բաժնի պետ Բենիամին Թադևոսյանին՝
-ստուգել, թե արդյոք բոլոր հակակարկտային կայաններն են գործում համայնքում, ինչպես նաև հետևել ոռոգման ջրի բաշխման աշխատանքներին։
Աշխատակազմի աշխատակիցների կարգապահության հարցը․
Հանձնարարել աշխատակազմի քարտուղարին և բաժնի պետերին՝
- հետևել աշխատակազմի աշխատակիցների աշխատանքային կարգապահությանը։
Նաիրի համայնքի Արագյուղ վարչական շրջանի ղեկավար Անդրանիկ Մեջլումյանը խորհրդակցության ժամանակ տեղեկացրեց Արագյուղ բնակավայրում այգիների ոռոգման աշխատանքի ընթացքի մասին:
Համայնքի ղեկավար Նորայր Սարգսյանը հորդորեց խիստ հետևողական լինել, որպեսզի ոռոգման աշխատանքներից դժգոհող քաղաքացիներ չլինեն:
Զովունի վարչական շրջանի ղեկավար Արտաշես Ղարիբյանից համայնքի ղեկավարը հետաքրքրվեց, թե արդյոք նորմալ են ընթանում կոյուղագծերի կառուցման աշխատանքները, որին ի պատասխան՝ Ա. Ղարիբյանն ասաց, որ աշխատանքներն ընթանում են իրենց բնականոն հունով:
Համայնքի ղեկավարը Զորավան վարչական շրջանի ղեկավար Բաղդասար Թովմասյանին հանձնարարեց ուշադրության կենտրոնում պահել շենք-շինությունների հարկերի հավաքագրման գործընթացը:
|